Лиихть локстихне

Лиихть локстихне. Лиезь
Кизось сёксети шаштсь.
Вешихть мастор синь лия,
Коса кельмот ни аш.

Аньцек ломанти нолдаф:
Содамс цебярти вачть,
Арьсезь родинать колга
Ётамс сталмотнень пачк.

«И тянь вийса аф нельгомс!» –
Пиземкс потмозон кольгсь.
Тотназь ваймозень эжни
Сенем мяльсь эрек толкс.

Лиихть локстихне. Лиезь
Кизось сёксети шаштсь.
Но и тейстка Россия
Лия масторса аш!