Кунелямань  пелькст

Тялонь кельме.
               Цифтордыхть вень тяшттне,
Мяндевсь эйнь сюрокс
               тяшттнень ёткса ковсь.
Лажадомань таколфсь
               ёлгай седить мяштьсон,
Моцорды пильгалон
               сенчтади тюс ловсь.
Арьсемане-мяльне
               лажнамаса карксафт,
Сиземаса матрай
               аськолксонень кись.
Тон эсь лямбе кудсот
               мезень колга арьсят?
Лажатфце тънярс, шять,
               эздон шаролкс  тись?
Катк вень кельмось кяжда
               шамас-пилес фатни,
Ловонь фальхне офтокс
               мадонтфт кизень туркс,
Кельгомазень лямбоц
               якшамть сяськомс саты,
Кунелямась мяштьсон
               афоль нолда юрхт.