Ков юмань?

Масторозе каладсь-срадсь, кядне прасть.
Эрь шиня прязон сувайхть стака мяльхть.
Од ялгазе появась, лемоц — прокрастинация.
Прябалане седизон пачкодсть, ваймозон эцихть.

Простямак, мес ламос монь ашемайть няе.
Кенярдян, мес васьфтема кармай тееньк.
Лама пингта ётась, а тон монь учсамак.
А мезе ульсь мархтон — азондса тейть ськамот.

Пингсь моли — мархтонза кядьта сявомань.
Вятемань од эряфти, семботь няфтезе, саворне
Мольхтяма сяда тов — мархтон прябалане
Мярьгсть тейне, тяни нят тонь од ялгатне.

А ялгатне, синь тушендыхть-сашендыхть.
Эрь прябалать сонцень смузец, синь аф фкат.
Мезе мархтон лиссь, арьсян, шарьхкодить.
Вага мес прась модамасторозе-садсь.

Корхтан вдь, што эряфсь — тюрема.
Виити — сяськома, лафчти — кулома.
Молян сяда тов, прязень аф максса,
А тондейть, сюкпря, мес илядоть мархтон.