Коське ляйста ведня аф муят

Коське ляйста ведня аф муят.
Топафтомс аф лезды симомацень.
Эста мезе шарондат-пульхкат?
Ёрат мумс ся эрек лихтибряцень,
Кона ляйцень пяшкотькшнесь тнярс?
Ашеть сода питненц козяшицень.
Ашеть ванфта уликсцень мзярс.
Тяни азка, мезьда симдьсак идцень?
Эстеенза эшиня лия
Ямбарсь муй. (Вдь апак сипть аш кода).
Тапай эздот ичкози киня.
Пади, ёфси аф мрдай ни оду.
Пара, кда эшистонза ведсь
Ули танцти, ару, тяштень цильфса.
Ну, а кда рдазус сузоц пезсь?..
Визьксцень визнек тя и тона шиса.