Кода пара

Шачем крайге кода пара
Якамс яннява тунда!
Кафта седихть серцек арафт,
Кяднясь кядняти кундаф.
Ацаф тяштьса менель келесь,
Ётксост коволня нюряй.
Атякшсь ононц колси велеть, –
Вярьгак вайгяльхть кукоряй.
Панчфонь потмос ваяфт саттне.
Кожфса медень таньф шиньфтай.
Ляй трваса мянтьф исатне
Сёрал песнон муськихть-штайхть.
Пилес прай гармошкань морось,
Кштима серьгяди од стирьхть.
Ласьки стиренц мельге цёрась, –
Варжак! кудса кельгить киртьк.
Акша палянянц щась лаймось,
Перяфксть орваняс кундась…
Арьси кажнай кельги ваймось:
«Афоль шуморькшне тундась!»