Кода идемс ваймоцень?

Сёксесь зрнянь лопаса
Кизень тячи ацазе.
Кле, мольхть аф пелезне,
Аф суват рдазс.
Аньцек, дяряй, ванфттанза
Пужф исякце сембода?
Пежесь эзонк педенди,
Шарфты кись лияс.
Тоза, коса паротнень
Аяш ёфси питнесна.
Тоза, коса васькафнихть
Сембонь и эсь пря.
Коса курмозь трёшникта
Тядят-сазорхт мишендихть,
Коса седиваксстонне
Аньцек сюдомась.
Кода идемс ваймоцень,
Сёксесь прокс аф содасы.
Шкайсь кунара азозе,
Мезе тиема.
Аньцек ломанць нардазень
Кевти керсеф валонзон.
Лафчашинзон таргазень
Эряф танадсь тя.
Эряк — пекцень топафтомс,
Эряк — ронгцень адерлямс
Сяда питни паршиса,
Сатт пиндолды тяштть.
Аньцек шава ваймоцень
Ташта щамке аф каясак.
Пеце сай, аф марясак.
Паннек мле кяшт.