Кить ушетксоц

Эрь историянь тевсь кати-мезьста ушеды.
Историять эзда сяда тов тушенды.
Ламонь ки-ян шумордавсь, а ламотне нинге молихть,
Ламотнень лемсна юкставсть, а ламотне седис повихть.

Ушедсь моньге кизе, пинге азомс эсь колган:
Коста мон лисень, ков и месендема молян?
Нинге аф содаван, но содаса эстейне питнеть,
Аф кадса эсь тевозень, кодапт афольхтъ уле шитне.

Мон лисень Исавелеста — пяк цебярь вастста,
Родозень-плямазень ушетксоц моли тяста.
Мярьгат, — тяса мезевок аш? — тяса шачсь ваймозе.
Тяса шачень мон, тяса кармай монь калмозе.

Сань поэзиянь кити — кельгса тя аф тёждя тевть.
Сон ламотнень кеподезень менелень серьс.
Улема, поэзиясь эряфозень полафтсы.
Сон ламотнень ламоти эряфса тонафты.

Тейне аньцек кемзисемге — аньцек ушедонь,
Ламос эсь кизень вешендень, ашень мушенда.
Содаса, инголен лама прябалада, учихть сатфкст,
Монь эряфозе и пацяне аньцек цебяренди максфт.