Келькте, шачема крайняй

Шачем крайняй — кельгомняй,
Ванфце тядянь лаца;
Лихтибряце кельмоня,
Панчфт лугават ацафт.

Молян кяпе — кенярдян,
Котькодихть пильгалне.
Мархтон серцек кенордай
Акшелды келналня.

Вельхкссон сенем менельце,
Коволнят тов ваяфт.
Менель тюсонь сенемце
Сетьме ляйгат каяф.

Вирьсот серихть пичетне,
Прясна коволс чёжгайхть.
Вень тяшттне хуш ичкозет,
Пиндолдыхть прокс ожнат.

Жаворонкань моротне
Эрь тунданя вельмихть.
Тядякс келькте, коротте,
Ару эрьхконь сельме!