Кельгома, сувак

Тага лямбонц мархта пялонк
Шудерькс лангса сась тундась,
Панчфонь эрек ванфса тага
Ацавсь пижелды лугась.
Панчфне мазыдонга мазыхть,
А мзяра тюста — вай!
Тейне тошкайхть, сяконь азыхть:
«Курок кельгомась тейть сай».
Афкукс эждезе вдь ваймоть
Шудерькс лангса саф тундась,
Акшенц лаймоть, таньфонц лаймоть,
Одонь седиезон прафтсь.
Эрь тунданя панжезь панжан,
Седись морай — аф кирдьсак,
Седить кельгомати панжан,
Мярьган: «Кельгома, сувак!»