Эрь кизось кода ямкскя

Эрь кизось кода ямкскя,
Или шуваронь пялькскя.
Синь молихть фкя-фкянь мельге.
Синь марафт оцю панде.
Синь ётксост улихть моньге,
Да эздост пяк аф лама.
Но ломаттнень вдь тяфта.
Минь ётксонк шкайхть, няк, аш.
А кда синь и улихть,
То сембе тя пандть вельхкссот
И тоста ваныхть алу,
Кода пульхктяма минь.
Шять, лангсонк синь и рахсихть,
А шять, и колганк явсихть.
Минь сембе — ёмла ямкскат.
А эста месть, шта, синь?