Аватне содасазь семботь
Тяни алятневок ава лаца арасть, кяльсост апак ваймак Алдаш велень курнятнень тяйсазь. Пуромихть Шлёмонь Пётронь каршес и шиньберьф аньцек «ла-ла-ла» да «ла-ла-ла». Велеряйснон эса корхтафтыхть.
Кару Фёдоронди ведьгемонть малава. Сяпинять таньфонцка ашезе сотцсе. Ширмань Сёмань мархта купт. А сянди ведьгемонь топодсь. Тись оцю ила. Пиравасть тк пиравасть. А кодама гульба сяпиняфтома. Фёдор каподевсь, ушедсь кумонцты пеняцяма.
— Кодама алят, кда кумцень шумбрашинц инкса стопканявок аф нолдат. Хуш танцти винаня копордак. Васенда Фёдор виденцякшнесь, мянцевсь, нярь пуворясь. Ашезь кирде Фёдор, нолдась кумонц инкса стопканя. А тяни ковшка ни копоряй. Марю мезе аньцек ашезь тиенде. Маластонь церькафнень, монастырьхнень ётазень, Алдаш аймаконь содай сембе бабатнень ётазень.
Шамор Коля-од аля, мокшендасонза бука шави. Шинек-венек кенкшенза пякстафт, киньге кудозонза аф нолдай. Пели, кивок паршиенц саласы. А Кургай Иванць - коцькаргакс мянтьф атя, ветевок кенкшензон аф пякснесыне. Эряйхть Просувонц мархта, киньге эзда аф пелихть.
— Иван альнякай, мес кенкшнень аф пякснесайть?
— А мезенди?
— Кода мезенди? А кда ворбетля сувай.
— Коза? Пялон?
— Пялот.
— И мезезень салай? Сирешизень, шаржу шяярьнень. Кинди синь эрявихть, апак салаковок макссайне.
— Хэ-хэ-хэ… велень алятне.
А мезе ина тяни алятненди тиендемс. Колхост аш. Корамнятнень эса аньцек шеерхт ласькондихть, велеса эрязь ламотне сараскатка аф кирдихть. Перетнень эсовок палакст да кумбарафт. Кие вете, кие кемонь панденят модамарь путы. Вов и лядонды аньцек «ла-ла-ла» «тш-тш-тш». Кяльснон мархта эрь шиня ферма строяйхть, а афкукс…
— Марясть, алят, Куркуль Сёма цёра рьвяяфты, — корхтай Шандронь Микта.
— Да… а… А рьвянясь костонне?
— Мярьгсть, бта Ляце-прянь.
— А цёрац аф эсь лацонза шава кяскавса калтатьф?
— Кати шавоса, кати пяшксеса, но рьвя эстеенза мусь. Да аф кось-мось, а козяня. Кшнинь лишмоц курняв аф тяльги.
— Содасы кинь лангс рьвяямс.
— А мес Микта шава кяскавса калтатьф? Алясь бта ничаво. Симомати таза.
— Тоза оцю ёнь аф эряви.
— А мес ина шонгар ёнькс лемнесак?
— Ату аф содасак?
— Кда содалине, омбоцеда афолихтень кизефте.
— Ну кулхцонтт. Кочказень марнек раднянзон, сявсь гармонист и тусь Ширма вели рьвяяма. Кати капотьфоль, кати ушесь пяк шобдаль, стирь ялганц кудонц путондазе, аф ся кенкшева сувась. Каршезонза пялес галош стирь лиссь.
— Кият? — кизефнесы Сёма.
— Полюнян.
— А коса Настюха?
— Од цёранц пяли калонь цёмарада ярхцама тусь.
— А… а…
— Мезенди тейть Настюха эрявсь? Сявомак лучи монь рьвакс. Карман мяльцень ванондома, эрь шиня пачада аннемот.
— Воляснон пачатнень. Тонць стирсь бта ничавоват.
Ширматнень фталда марявсь од цёрань вайгяль:
— А монь коза, Полюшка?
— А тонь шукшапряв, Вовушка. Кучкорьксса фталланга и ласькозь куду.
— Ёфси стане?
— Тон нинге тясат, ласькозь куду. Няйсак вдь мельган кудат састь, рьвакс тернихть эсон.
— А тя кие? — кизефнесы Сёмка. — Пади, видекс марамат пиленза.
— Тя Колю щенязень цёрац.
— Мезе тяса тиенди?
— Седиезень ёрасы солафтомс. Мон вдь ашине сода, што тон мельган кучат кудат, саят рьвяяма.
— Да Настюхань пяли срхксень. А сон, няк, од цёранц пяли цёмарада ярхцама тусь.
— Виде, тусь. Рьвяят или аф рьвяят лангозон, сявсамак-аф рьвакс?
— Сяфте.
Полю ктмордазе, палазе Сёмань. Гульбаня тисть.
— И мес Куркуль Сёма шава кяскавса калтатьф? — кизефнесыне алятнень Шандронь Микта. — Эряй-ащи ломань, цёра рьвяяфты.
— Кие содасы. Тяфта велеса колганза корхтайхть.
— Мес? Мес? А тинць аф шарьхкодьсасть мес? — корхтай фкя алясь.
— Рьванц од цёранц ваксста таргазе. Пади, цёраське аф сонь.
— Вов тон мезеньге колга. Тяни сембе тяфта рьвяйсихть.
— Аф сембе. Сявомс хуш монь.
—Тон да. А Митяцти стирьге ашезь мув. Колма идь мархта ава рьвакс сявсь. Сонга шава кяскавса калтатьф?
— Тон Митязень тяк лятфне, ату вишкста пейхнень лувсайне.
— Оду аф лятфтаса. Да и тонга тяк кичкоря-мичкоря Куркуль Сёмань.
Алятне аф ламос сетьмость. Сетьмошить колазе Шандоронь Микта.
—В олясна рьвяяйхнень, рьвакс лисихнень, — пшкядсь сон. — Тяса вов мезе кулень. Погонцотне наручникса сявозь Айгорь Михалань.
— Айгорь Михалань?! Аф верондан тянди, Микта, — мярьгсь Шопок Вася. — Сон сонць оцю тяште мархта поготт канни.
— Каннесь, а тяни лоткай каннемда.
— Коста тянь кулить, Микта?
— Аватне азозь.
— А… а… аватне! Тоса тевсь серьёзнай. Аватне стакащемда кяльснон шовсема аф кармайхть. Кда афкукс тяфта, ужяль алясь.
— Хэ-хэ-хэ… каршезонза Ашлай Максим.
— Муть кинь ужяльдемс, Айгорь Михалань.
— А мес, Максим?
—Ату аф содасак, мес. Фкя велеса шачеме-касоме, марса школав якаме. А арась баярнякс, мярьгат, полафтозь, афи ся Михалась. Ётай вакскат кяжи букакс, аф пшкяди, аф кядь венепти. А мзяра ломань обжась.
И виде. Айгорь Михала трудендась райцентрань полициянь отделса. Васенда оцюня усксесь, тоса сявозь покодема ГАИ-в, ульсь лама киза инспекторкс. Весть ётай Алдашть пачк, пряц вяре. Тяфта министрхне аф вятьсазь пряснон.
— Михала! А, Михала! Лоткак алятнень мархта корхнема.
— Аш мзярда, тевдон лама.
— Содасаськ минь тефнень. Тяштень Настать пяли молят. Ожу, Кузьмац сай вахтаста, пяярдьсыне копшань порематнень.
Михала аф азовомшка кяжиясь, курмоштазе мокшенданц.
— Аф кяжиять?! Но минь вдь аф сурста потяськ тя кулять.
— Аф сурста потясть. А коста ина сявость?
— Аватне азозь. А аватне зря-бря лабордома аф кармайхть.
—Ха-ха-ха… Михала. Кда аватне тянь азозь, то виде. Тяфтак ни кяльснон шовсема аф кармайхть.
Пингонь ётазь Наста мархта Кузьма явсть паршиснон эса.
Тоса тага кода-бди Айгорь Михала моли Алдашть эзга. Сяка жа алятне кизефнесазь:
— Михал Михалыч, кулеськ ГАИ-в баярнякс путодязь. Тя виде?
— Ха-ха-ха… каршезост. Монць мезевок аф содан, а синь содасазь. Тинь валонтень да Шкаень пилес. Кда тя кулясь виде, сюлека путан.
А кие тянь азозе?
— Алдашень аватне.
— Тага аватне?! Коста синь семботь содасазь?
Михалань кагодонза кунара ни кучфтольхть министерствав. И сон тянь пяк лац содазе. А коста содасазь тянь Алдашень аватне—тя вов кизефкс.
Пингонь ётазь алять путозь баярнякс. Алятне аф весть лятфнезь надияфтф сюлеканц, но ашесть сав начфтомс трвасна.
Пингсь содась ётаманц. Айгорь Михала сяшкава оцюлгафнесь пря, што юкстазе Алдашу китьке. Путсь кафта этажса особняк, рамась ошу квартира. Иденза нинге ёмлат, сяс эсонза кирди квартирантт. Машты алясь тевонь якафтома. Сембе теенза шумуфт, сембе теенза пшкядихть. А кода вятезе прянц инспекторхнень мархта?! Лац содазе, кие кода тарксесы ваймонц, кинь кодапт лафча вастонянза. Повфтасыне кячказозонза и арни лангсост. Труськин инспекторсь пикссезе рьванц. Авась кяженьбачк ласьксь баярняти пеняцяма.
— Сюцесть, тонафтость, — мярьгсь авась. — Сонць фкявок юбка аф нолдай, шуры-мурынь тефт якафты, а эсон короды.
— Кода шарьхкодине, Труськин сидеста никсафнесыне мокшенданзон, — корхтай Михалыч.
— Аф сиденяста, но никсафнесыне.
— А мезенкса?
— Кшинь очередьса ащемста фталон од аля никссесь, шовсесь. Кие-бди мутендась Труськинозти, а ся кулхцондомонга ашезь карма, лябамань.
— Ах, аеркс. Ах, инекуй. Покодема вастса сятяв, вал кургстонза аф таргави, а кудса, няк, мезе тиенди. Бта афи ся Труськинць. Паньца тяста, аф эрявихть тейне тяфтама инспекторхт.
— Кода паньцак, Михаил Михалыч?! А кие семьяньконь трясы?
— Кие? Кие? Кати кие. Тя аля, што ли, кда рьванц пикссы?
— Кода аля, Труськинозе «ого-го-го», пеняцямат лангозонза аш.
— Но кда тяшкава цебярь, местема ина сать?
— Кода местема? Тон баярнят, сюцек, тонафтк, а панемс аф эряви.
— Да… а… Архт куду, а мирдцень сюцеса, тонафтса.
Труськин повсь баярнять ульмонязонза:
— Содасак, мезе тейть ули рьвянь пикссеманкса? Пулякс лият полициянь отделста.
— Простямак, Михаил Михалыч, оду тя аф ули.
— Простяк сонь, понимаешь. Мон, конешна, простяте, а мезе азан министрти. Простятанза сон?
— А министрське, што ли, содасы тянь?
— Кода ина. Эстокиге теенза пачфтень куля. Паньк, кле, инекуйть.
Тя тяфта Михалыч питне касфнесь, кодамовок министронди ашезь гайфне. Куватьс рьвянь пикссись якась нолданьбрят. Тердезе кабинетозонза баярнясь.
— Корхнень колгат министрть мархта, пшкядень инксот. Кодама мяльс сась, сичас кизефтьса.
Михаил Михалыч гайфтсь бта министрти, а афкукс трубкать сявозе Ваньков кумоц.
— Шумбрат, генерал ялгась. Гайфтян Труськинонь инкса. Но мезе, простясаськ алять. Сон од, ламоть эряфса аф шарьхкодьсы.
— Простясаськ, — марявсь трубкаса.
— Ну и пара, генерал ялгась. Оду тяфта тии, аф ули кодамовок ужяльдема. Монць тейть сёрмадан панеманц колга рапорт.
Тянь лангс корхтамась аделавсь.
— Семботь кулить, Труськин?
— Кулине, Михаил Михалыч.
— Тяни тон куломозон шумуват.
— Шарьхкодень, Михаил Михалыч. Ласькондян лавкав?
— Тевсь тонь.
И тяфта баярнясь тиендезень сембе эсь тевонзон. Сембе теенза шумуфтольхть, сембонь якафнезень тевснон.
И на тейть, састь инксонза наручникса.
— А аватне мезе корхтайхть, пякстасазь погонцоть? — кизефтезе Шопок Вася.
— Конешна, пякстасазь, — кяжиста мярьгсь Ашлай Максим. — Ату аватне, аватне. Мезе содайхть ня аватне?
— Аватне семботь содасазь, — отвечась Шандор Микта. — Тюрьмав афи пякстасазь, пади, а вов потять кургстонза прафтсазь. Пяк ни лофцуволь мекольдень пингть.
Кару Фёдоронди ведьгемонть малава. Сяпинять таньфонцка ашезе сотцсе. Ширмань Сёмань мархта купт. А сянди ведьгемонь топодсь. Тись оцю ила. Пиравасть тк пиравасть. А кодама гульба сяпиняфтома. Фёдор каподевсь, ушедсь кумонцты пеняцяма.
— Кодама алят, кда кумцень шумбрашинц инкса стопканявок аф нолдат. Хуш танцти винаня копордак. Васенда Фёдор виденцякшнесь, мянцевсь, нярь пуворясь. Ашезь кирде Фёдор, нолдась кумонц инкса стопканя. А тяни ковшка ни копоряй. Марю мезе аньцек ашезь тиенде. Маластонь церькафнень, монастырьхнень ётазень, Алдаш аймаконь содай сембе бабатнень ётазень.
Шамор Коля-од аля, мокшендасонза бука шави. Шинек-венек кенкшенза пякстафт, киньге кудозонза аф нолдай. Пели, кивок паршиенц саласы. А Кургай Иванць - коцькаргакс мянтьф атя, ветевок кенкшензон аф пякснесыне. Эряйхть Просувонц мархта, киньге эзда аф пелихть.
— Иван альнякай, мес кенкшнень аф пякснесайть?
— А мезенди?
— Кода мезенди? А кда ворбетля сувай.
— Коза? Пялон?
— Пялот.
— И мезезень салай? Сирешизень, шаржу шяярьнень. Кинди синь эрявихть, апак салаковок макссайне.
— Хэ-хэ-хэ… велень алятне.
А мезе ина тяни алятненди тиендемс. Колхост аш. Корамнятнень эса аньцек шеерхт ласькондихть, велеса эрязь ламотне сараскатка аф кирдихть. Перетнень эсовок палакст да кумбарафт. Кие вете, кие кемонь панденят модамарь путы. Вов и лядонды аньцек «ла-ла-ла» «тш-тш-тш». Кяльснон мархта эрь шиня ферма строяйхть, а афкукс…
— Марясть, алят, Куркуль Сёма цёра рьвяяфты, — корхтай Шандронь Микта.
— Да… а… А рьвянясь костонне?
— Мярьгсть, бта Ляце-прянь.
— А цёрац аф эсь лацонза шава кяскавса калтатьф?
— Кати шавоса, кати пяшксеса, но рьвя эстеенза мусь. Да аф кось-мось, а козяня. Кшнинь лишмоц курняв аф тяльги.
— Содасы кинь лангс рьвяямс.
— А мес Микта шава кяскавса калтатьф? Алясь бта ничаво. Симомати таза.
— Тоза оцю ёнь аф эряви.
— А мес ина шонгар ёнькс лемнесак?
— Ату аф содасак?
— Кда содалине, омбоцеда афолихтень кизефте.
— Ну кулхцонтт. Кочказень марнек раднянзон, сявсь гармонист и тусь Ширма вели рьвяяма. Кати капотьфоль, кати ушесь пяк шобдаль, стирь ялганц кудонц путондазе, аф ся кенкшева сувась. Каршезонза пялес галош стирь лиссь.
— Кият? — кизефнесы Сёма.
— Полюнян.
— А коса Настюха?
— Од цёранц пяли калонь цёмарада ярхцама тусь.
— А… а…
— Мезенди тейть Настюха эрявсь? Сявомак лучи монь рьвакс. Карман мяльцень ванондома, эрь шиня пачада аннемот.
— Воляснон пачатнень. Тонць стирсь бта ничавоват.
Ширматнень фталда марявсь од цёрань вайгяль:
— А монь коза, Полюшка?
— А тонь шукшапряв, Вовушка. Кучкорьксса фталланга и ласькозь куду.
— Ёфси стане?
— Тон нинге тясат, ласькозь куду. Няйсак вдь мельган кудат састь, рьвакс тернихть эсон.
— А тя кие? — кизефнесы Сёмка. — Пади, видекс марамат пиленза.
— Тя Колю щенязень цёрац.
— Мезе тяса тиенди?
— Седиезень ёрасы солафтомс. Мон вдь ашине сода, што тон мельган кучат кудат, саят рьвяяма.
— Да Настюхань пяли срхксень. А сон, няк, од цёранц пяли цёмарада ярхцама тусь.
— Виде, тусь. Рьвяят или аф рьвяят лангозон, сявсамак-аф рьвакс?
— Сяфте.
Полю ктмордазе, палазе Сёмань. Гульбаня тисть.
— И мес Куркуль Сёма шава кяскавса калтатьф? — кизефнесыне алятнень Шандронь Микта. — Эряй-ащи ломань, цёра рьвяяфты.
— Кие содасы. Тяфта велеса колганза корхтайхть.
— Мес? Мес? А тинць аф шарьхкодьсасть мес? — корхтай фкя алясь.
— Рьванц од цёранц ваксста таргазе. Пади, цёраське аф сонь.
— Вов тон мезеньге колга. Тяни сембе тяфта рьвяйсихть.
— Аф сембе. Сявомс хуш монь.
—Тон да. А Митяцти стирьге ашезь мув. Колма идь мархта ава рьвакс сявсь. Сонга шава кяскавса калтатьф?
— Тон Митязень тяк лятфне, ату вишкста пейхнень лувсайне.
— Оду аф лятфтаса. Да и тонга тяк кичкоря-мичкоря Куркуль Сёмань.
Алятне аф ламос сетьмость. Сетьмошить колазе Шандоронь Микта.
—В олясна рьвяяйхнень, рьвакс лисихнень, — пшкядсь сон. — Тяса вов мезе кулень. Погонцотне наручникса сявозь Айгорь Михалань.
— Айгорь Михалань?! Аф верондан тянди, Микта, — мярьгсь Шопок Вася. — Сон сонць оцю тяште мархта поготт канни.
— Каннесь, а тяни лоткай каннемда.
— Коста тянь кулить, Микта?
— Аватне азозь.
— А… а… аватне! Тоса тевсь серьёзнай. Аватне стакащемда кяльснон шовсема аф кармайхть. Кда афкукс тяфта, ужяль алясь.
— Хэ-хэ-хэ… каршезонза Ашлай Максим.
— Муть кинь ужяльдемс, Айгорь Михалань.
— А мес, Максим?
—Ату аф содасак, мес. Фкя велеса шачеме-касоме, марса школав якаме. А арась баярнякс, мярьгат, полафтозь, афи ся Михалась. Ётай вакскат кяжи букакс, аф пшкяди, аф кядь венепти. А мзяра ломань обжась.
И виде. Айгорь Михала трудендась райцентрань полициянь отделса. Васенда оцюня усксесь, тоса сявозь покодема ГАИ-в, ульсь лама киза инспекторкс. Весть ётай Алдашть пачк, пряц вяре. Тяфта министрхне аф вятьсазь пряснон.
— Михала! А, Михала! Лоткак алятнень мархта корхнема.
— Аш мзярда, тевдон лама.
— Содасаськ минь тефнень. Тяштень Настать пяли молят. Ожу, Кузьмац сай вахтаста, пяярдьсыне копшань порематнень.
Михала аф азовомшка кяжиясь, курмоштазе мокшенданц.
— Аф кяжиять?! Но минь вдь аф сурста потяськ тя кулять.
— Аф сурста потясть. А коста ина сявость?
— Аватне азозь. А аватне зря-бря лабордома аф кармайхть.
—Ха-ха-ха… Михала. Кда аватне тянь азозь, то виде. Тяфтак ни кяльснон шовсема аф кармайхть.
Пингонь ётазь Наста мархта Кузьма явсть паршиснон эса.
Тоса тага кода-бди Айгорь Михала моли Алдашть эзга. Сяка жа алятне кизефнесазь:
— Михал Михалыч, кулеськ ГАИ-в баярнякс путодязь. Тя виде?
— Ха-ха-ха… каршезост. Монць мезевок аф содан, а синь содасазь. Тинь валонтень да Шкаень пилес. Кда тя кулясь виде, сюлека путан.
А кие тянь азозе?
— Алдашень аватне.
— Тага аватне?! Коста синь семботь содасазь?
Михалань кагодонза кунара ни кучфтольхть министерствав. И сон тянь пяк лац содазе. А коста содасазь тянь Алдашень аватне—тя вов кизефкс.
Пингонь ётазь алять путозь баярнякс. Алятне аф весть лятфнезь надияфтф сюлеканц, но ашесть сав начфтомс трвасна.
Пингсь содась ётаманц. Айгорь Михала сяшкава оцюлгафнесь пря, што юкстазе Алдашу китьке. Путсь кафта этажса особняк, рамась ошу квартира. Иденза нинге ёмлат, сяс эсонза кирди квартирантт. Машты алясь тевонь якафтома. Сембе теенза шумуфт, сембе теенза пшкядихть. А кода вятезе прянц инспекторхнень мархта?! Лац содазе, кие кода тарксесы ваймонц, кинь кодапт лафча вастонянза. Повфтасыне кячказозонза и арни лангсост. Труськин инспекторсь пикссезе рьванц. Авась кяженьбачк ласьксь баярняти пеняцяма.
— Сюцесть, тонафтость, — мярьгсь авась. — Сонць фкявок юбка аф нолдай, шуры-мурынь тефт якафты, а эсон короды.
— Кода шарьхкодине, Труськин сидеста никсафнесыне мокшенданзон, — корхтай Михалыч.
— Аф сиденяста, но никсафнесыне.
— А мезенкса?
— Кшинь очередьса ащемста фталон од аля никссесь, шовсесь. Кие-бди мутендась Труськинозти, а ся кулхцондомонга ашезь карма, лябамань.
— Ах, аеркс. Ах, инекуй. Покодема вастса сятяв, вал кургстонза аф таргави, а кудса, няк, мезе тиенди. Бта афи ся Труськинць. Паньца тяста, аф эрявихть тейне тяфтама инспекторхт.
— Кода паньцак, Михаил Михалыч?! А кие семьяньконь трясы?
— Кие? Кие? Кати кие. Тя аля, што ли, кда рьванц пикссы?
— Кода аля, Труськинозе «ого-го-го», пеняцямат лангозонза аш.
— Но кда тяшкава цебярь, местема ина сать?
— Кода местема? Тон баярнят, сюцек, тонафтк, а панемс аф эряви.
— Да… а… Архт куду, а мирдцень сюцеса, тонафтса.
Труськин повсь баярнять ульмонязонза:
— Содасак, мезе тейть ули рьвянь пикссеманкса? Пулякс лият полициянь отделста.
— Простямак, Михаил Михалыч, оду тя аф ули.
— Простяк сонь, понимаешь. Мон, конешна, простяте, а мезе азан министрти. Простятанза сон?
— А министрське, што ли, содасы тянь?
— Кода ина. Эстокиге теенза пачфтень куля. Паньк, кле, инекуйть.
Тя тяфта Михалыч питне касфнесь, кодамовок министронди ашезь гайфне. Куватьс рьвянь пикссись якась нолданьбрят. Тердезе кабинетозонза баярнясь.
— Корхнень колгат министрть мархта, пшкядень инксот. Кодама мяльс сась, сичас кизефтьса.
Михаил Михалыч гайфтсь бта министрти, а афкукс трубкать сявозе Ваньков кумоц.
— Шумбрат, генерал ялгась. Гайфтян Труськинонь инкса. Но мезе, простясаськ алять. Сон од, ламоть эряфса аф шарьхкодьсы.
— Простясаськ, — марявсь трубкаса.
— Ну и пара, генерал ялгась. Оду тяфта тии, аф ули кодамовок ужяльдема. Монць тейть сёрмадан панеманц колга рапорт.
Тянь лангс корхтамась аделавсь.
— Семботь кулить, Труськин?
— Кулине, Михаил Михалыч.
— Тяни тон куломозон шумуват.
— Шарьхкодень, Михаил Михалыч. Ласькондян лавкав?
— Тевсь тонь.
И тяфта баярнясь тиендезень сембе эсь тевонзон. Сембе теенза шумуфтольхть, сембонь якафнезень тевснон.
И на тейть, састь инксонза наручникса.
— А аватне мезе корхтайхть, пякстасазь погонцоть? — кизефтезе Шопок Вася.
— Конешна, пякстасазь, — кяжиста мярьгсь Ашлай Максим. — Ату аватне, аватне. Мезе содайхть ня аватне?
— Аватне семботь содасазь, — отвечась Шандор Микта. — Тюрьмав афи пякстасазь, пади, а вов потять кургстонза прафтсазь. Пяк ни лофцуволь мекольдень пингть.
Жанр: Рассказ
Автор: Илья Вешкин