Зяро сёксень — иля, иля лово

***
Зяро сёксень — иля, иля лово.
Правтынь лопат — эйпарыне мар.
Мештем лембе, сон солавтсы ловонть.
Лиси потсон пиже луганар.

Сонзэ ланга чиезь туи цёрам,
А томбави, летиндеряй прамс.
Сонзэ лангсто кепедьса валмором,
Стан эйзэнзэ асатныця панкс.

Сонзэ лангсо — иляк стувто валом —
Карматано одс панжомо тештть.
Каргонь Кистэ пувасынек салонть
Ды эзганзо нолдатано венчть.

Сон эзь ёма, эзь пултаво толсо.
Кода цидярдсь? Мезень вийсэ трявсь?
Сон виеми мештенть потсо, косо
Панси верь седеесь-лисьмапрясь.