Ёмавкс

Мазый кундосо таштодояк ташто чамаваноманть икелев путсть цеця марто кедьге. Цецятне неизь эсь пряст чамаваномастонть: кавто горниповт, колмо кукопонкст, сэнь вишпилявт ды валдо-якстере тештинеть. Икеле сынь эзть сода чамаваномат ды эзизь некшне эсь пряст. Секс тештинетне кенярдозь серьгедсть:
— Минек тесэ учость пек мазый цецят!
— Эрьва кодат ды тантейстэ качадыцят! — поладызь тештинетнень кенярдомаст горниповтне.
Цецятне шнасть эсь пряст ды эзть сода теде. Сынь сюконясть чамаваномасо цецятненень, тонаткак сюконясть каршост.
— Эрьга мездеяк кевкстьсынек, — састь мельс сэнь сельме вишпилявтне.
Мезде кевкстизь? Кода мерить, аволь теньсэ тевесь. Ансяк каршо валт тенст эзть ёвта а сеске, а мейле. Улема, тона цецятнень арасель мелест теевемс мартост оякс...
Таштодояк ташто, эрьва мезень неиця чамаваномась ёвтызе тувталонть. Аламодо гайнезь сон мерсь: келя, сеть цецятне аволь алкуксонь, сынь ансяк неявить, сеть цецятне — тынсь. Чамаваномась кемсь: цецятне кенярдозевить, ансяк сынь мекс-бути нусмакадсть ды чатьмоньгадсть. Аламо шкань ютазь сехте вишкине тештинесь кевкстизе:
— Тон алкукс кортат — сеть цецятне арасть?
— Нама, — састыне гайнезевсь чамаваномась.
— Берянь, пек берянь… — мерсть пусмосо цецятне.
Чамаваномась абунгадсь: «Мекс цецятне а кецнить, зярдо лият, сынст кондят мазыйть ды вадрят, арасть?!».
Пусмосо цецятне теде эзть арсе. Сынь ёмавтызь малавиксэст: кавто горниповтнень, колмо кукопонкстнэнь, сэнь вишпилявтнень ды валдо-якстере тештинетнень.