Ваторкай

Течи якинь леев, ялгат. 
Арсинь кундамс ламо калт. 
Ютан калькуротнень алга, 
Эйсэнь палси вармаялт... 
Тесэ маряса — ваторды, 
Теке мерят кортазь корты:
«Вай-вай, вай, лездадо кияк! 
Некак, пильгинем синдия...»
Ванан: ватракш, кевсэ лепштязь, 
Эль кепсеви сонзэ мештесь. 
Таргия пиштяканть састо, 
Ванныя седе маласто
Ды путыя веденть чирес... 
Марявсь, каятотсь монь пилес:
«Сюконян тонеть, идицям, 
Стака кажосто таргицям. 
Кадык топавтови мелеть, 
Конань аравтык икелеть».
Кудов эль пачкодинь сестэ: 
Зняро калт кундакшнынь лейстэ!