Васенце вечкема

Вачкодить тон монь кенкшс, сонзэ панжия.
Састынька совить, ютыть толонть ваксс.
«Вай, шержей кармить...» — принеть вадяшия.
Вай, Нишкепаз, зяро иеть ютасть?

Ледстнят, ульнить монь васенце вечкемам?
А кемеви, икелень аштят тон.
Умок ули тонеть вейке кевкстемам:
Мекс од цёракс истя теить мартон?

Мерить, молят, варштат ошов акувать.
Ды ёмить тозонь... Пельпинге ютась.
Ульнесь тундо, пиже варматне пувасть,
А ней ушосонть таго ловось прась.

Арсинь, седейстэнь умок тонь ёртытинь,
Ансяк совить, одс кирвазсь потсон тол.
Эзь стувтово, кода сестэ вечкитинь,
Иетнень перть учинь эйсэть одов...