Удомась — уличинь ванстома
Неень шкась, кода сулика экшсэ штапо тейтерьава: мазый, цитни-ашолды, ансяк кедьс а сайсак. Лиякс меремс, минек ютазь шкань ломантне превнек-арсеманек кадовсть икелень кондямокс. Сонсь эрямось ношкстась, каня, икелев, каня, ве ёнов. «Горбачёвонь эйдтне» ней кассть, весементь лангс вановтост, нама, лиякстомсь. Мезенть кувалма минь визьксчамасо якатано, сынь ловить алкуксонь эрямонь тевекс. Мезесь тюнгольсти эйсэнек, сень теемстэ, сынь пря шныть… Лиякс меремс, тамашат, тамашат, тамашат.
Вана Трошкить-Олёнат аволь сыретнень эйстэяк, эрьвантень ниленьгементнень малава весемезэ. Ялатеке прянек-пильгенек аштить икелень эрямонь койтнень кис. Ансяк теить тень эсест ладсо, аволь пижнезь-сеерезь.
Саемс куш вана тень: ютасть весемезэ кавтошка ковт, кода покш тейтерест перьгедсь ошов, паро эрямонь вешнеме. Я, неть читнестэ сась мекев, мартонзо алуж усксь. Кевкстеманть лангс: кие сон тонеть? Каршо валтнэ истятольть: келя, паряк, урьваксттано, васня жо вансынек, савтано-арась вейкенек-вейкенек туртов. Масторонок томбале, келя, урьвакстомадо икеле весе истя тейнить.
Одтнэ чинзэ перть нилексть-ветексть ойсить ярсамо. Олёна пачалгонть а кенерькшни кедьстэнзэ столенть лангс нолдтнеме. Сывель, алт ресты, ансяк цётор-лакор кайсети кудованть. Чокшнесь сы — удомо туить вейсэ. Аволь ковгак — утомов, кияк илязо кольстя сэтьмечист. Тосо чопода, удок зяро мелеть, маней чиськак векс маряви.
Оймсить одтнэ, кода мерить, нильтякадомазост, чикуншканеяк а свал стявкшныть. Олёна сэзнэзевсь, мирдентень корты:
— Ванта, мезе мартост, зярс удозь позакадыть. Молян пувтасынь.
Сыргиксэль.
Трошки натой кедте кундызе нинзэ, энгамты:
— Ужо, иля капша. Тонсь неят, сынст эйстэ кодамояк лезэ арась. Ярсамопеленть теке кожовтс ведь ёртыть. Исяк, ловт, весе таштазь алот памшизь. Кадовикс сывеленть куш модамарень путома шкантень ванстома. Секскак мерян: сынст
удомась — те улипаронь ванстома. Кадык дрехнить.
Олёна нардтнинзе икельга пацяс кедензэ, анокстазь пачалксетнень путынзе мирденть судалов, сэтьместэ пшкадсь:
— Алкукскак, удомаст тенек седе лезэвекс ули… — сонсь озась Трошкинь каршо.
Вана Трошкить-Олёнат аволь сыретнень эйстэяк, эрьвантень ниленьгементнень малава весемезэ. Ялатеке прянек-пильгенек аштить икелень эрямонь койтнень кис. Ансяк теить тень эсест ладсо, аволь пижнезь-сеерезь.
Саемс куш вана тень: ютасть весемезэ кавтошка ковт, кода покш тейтерест перьгедсь ошов, паро эрямонь вешнеме. Я, неть читнестэ сась мекев, мартонзо алуж усксь. Кевкстеманть лангс: кие сон тонеть? Каршо валтнэ истятольть: келя, паряк, урьваксттано, васня жо вансынек, савтано-арась вейкенек-вейкенек туртов. Масторонок томбале, келя, урьвакстомадо икеле весе истя тейнить.
Одтнэ чинзэ перть нилексть-ветексть ойсить ярсамо. Олёна пачалгонть а кенерькшни кедьстэнзэ столенть лангс нолдтнеме. Сывель, алт ресты, ансяк цётор-лакор кайсети кудованть. Чокшнесь сы — удомо туить вейсэ. Аволь ковгак — утомов, кияк илязо кольстя сэтьмечист. Тосо чопода, удок зяро мелеть, маней чиськак векс маряви.
Оймсить одтнэ, кода мерить, нильтякадомазост, чикуншканеяк а свал стявкшныть. Олёна сэзнэзевсь, мирдентень корты:
— Ванта, мезе мартост, зярс удозь позакадыть. Молян пувтасынь.
Сыргиксэль.
Трошки натой кедте кундызе нинзэ, энгамты:
— Ужо, иля капша. Тонсь неят, сынст эйстэ кодамояк лезэ арась. Ярсамопеленть теке кожовтс ведь ёртыть. Исяк, ловт, весе таштазь алот памшизь. Кадовикс сывеленть куш модамарень путома шкантень ванстома. Секскак мерян: сынст
удомась — те улипаронь ванстома. Кадык дрехнить.
Олёна нардтнинзе икельга пацяс кедензэ, анокстазь пачалксетнень путынзе мирденть судалов, сэтьместэ пшкадсь:
— Алкукскак, удомаст тенек седе лезэвекс ули… — сонсь озась Трошкинь каршо.
Жанр: Рассказ
Автор: Анатолий Ганчин