Удок, цёрынем, удок - матедевть...

Удок, цёрынем, удок - матедевть;
Кадык велькссэнек палы сэнь весь.
Вишка мокшнынекс сювордыть кедеть,
Модамасторс валгонекшныть весть.

Тон монь седейсэ тештинекс вельмить,
Сельведь потсто мон таргитинь тонь....
Кода пелинь, илязатан кельмевть,
Ансяк тонеть а чарькодемс монь.

Сядоксть ютавлинь теке кияванть,
Хоть сэредьксэс каявлинь, хоть толс,
Содавлиньгак, модалангонь авакс
Саволь таго велявтомс тень одс.

Удок, цёрынем, удок - матедевть,
Кадык велькссэнек палы сэнь весь.
Вишка мокшнынекс сювордыть кедеть,
Модамасторс валгонекшныть весть.