Тюжа

Сёксень шка. Чинь перть нусманян…
Арась мелем налксемскак…
Урокт тееме а бажан.
А мизолдозевангак.
Чись лисеме аволь анок —
Стяко ялган инжекс састь!..
Кода эрязкавтомс прянок —
Теде меленек арасть…
Апак учо — гайневтема!
Ды поровтонть лангс чалгась
Рижой Саша — прок цитнема —
Мартонзо Дружок кискась,
Сашань ладсо — тюжа-рижой.
Кармась ракавтомонок:
Пря юхаи, пуло выжны.
Паркстомсь-витевсь ёжонок.
Одс ушодынек налксеме,
Ды кода вадрясто лиссь!
Теке вишка нупальсэнек
Таго чачсь вечкевикс чись.