Тулевкс ды мацейлевкс

Кардазонтень кадовсть кавонест:
Апокшке тулевкс ды мацейлевкс.
— Хр-ю-хр-ю! Ялгиней! Неян, касат?
Курок покш прявтокс кармат?
А мезть дивсемс, ёжоват, превеят.
Эрьва ков эрямосонть кузеват.
Косояк уш, нама, важодить?
Иля кежиявтне, мекс тонь кевкстнить. 
— Сельметь пек пштить, тулё!
Ансяк эрямонь вачкодьксэнть а содасак, —
Нерензэ верев кепедизе мацеесь.
— Тетят-ават кить, тулевкс?
Тувот эдь? Алкуксонь т-у-в-о-т!.
А монь тетям содат кие? Неик?
Авамгак верьга ливтнезь ливтни ней!
Содак, тувось ульнесь туво, кадови тувокс.