Тон монь уцяскам ульнить

Тонь сельметь мон а стувтсынь зярдояк,
Сынь прок ваныть лангозон иень ютазь.
Вечкемась минек ульнесь прок исяк,
Ней лангсонзо сур эчксэ чельке ацазь.

Цецянь пусмонть, конань казекшник тень,
Умок раздезь раздизе вармась виев.
Тон монь уцяскам ульнить, теть кеминь,
Ков тусь вечкемась? Паксянь-паксянь чии?..

Минек прок ёндол явимизь кавтов, -
Кинек сезевсть, одов сынст а васодьсыть.
Мекс ансяк чокшне, кода лиси ков,
А содан, ков теемс потстон сэредьксэнть?