Телень ве. Ды вальмас пейди ковось

Телень ве. Ды вальмас пейди ковось.
Телень ве. Ды чаво кудопотмо.
Монь уцяскам козонь-бути ёмась
Эли сатстни шканть ютамсто, котьми.

Сон а соды: учан мон, ды кода.
Сон а соды: лембе кирдян тензэ.
Паряк, арси, кенери, мон одан,
Мери: зяро кармить истят вензэ.

Монь уцяскам. Аволь покш, ды эсень.
Монь уцяскам – сон ламбамо-салов…
Телень чилисемась пургась везэнь –
Те уцяскась шаштсь тень седе малав.