Сувось вельтизе седеем

Сувось вельтизе седеем…
Верепаз! Макст вийть икелев
Молемс. Иляк костя леем,
Иляк кельмевть. Ды чинть пелев
Ветямак. Мон ёминь… ёминь…
Оймесэнь коцькерить псакат.
Нили кежень отьмась. Ломань
Валынзе тов кежтнень – лакаст!
Верепаз! Макст вийть а пелемс,
Сёлмон чавост – ливтямс тестэ.
Кирвазть теште – сувонть пелемс,
Ливтемак манчемань вестэнть.
Верепаз, илямак кадо,
Вийть макст… учомо тонадомс.