Сулей

Весть тундонь ковов вестэ
Ютыця лиссь велестэ,
Моли-эскели састо,
Янкси — кадовсь оясто,
А кинень ёвтамс вал.
Берянь чатьмонемс свал.
Марясы, прок онстонзо,
Тердизь:
— Велявтта тей!
Варштазевсь — удалонзо
Ашти палманькс Сулей.
— Кунсоломак, — мерсь, — полам,
Умок уш мельгат молян!
Ды тон яла чатьмонят,
Чатьмонят, сельметь конят.
Вановтот — коня алга...
Эль мон тонеть а ялга?!
Рунговат яла пракшнан,
Икелеть сэрьсэм стякшнан...
— Содан! — видькстась ломанесь,
— Кунсоломак аламнес.
Ульть монень ялгакс сестэ —
Овсе чопода вестэ.
Мекс чарат перькан ней,
Зярдо шказо маней?..

Ковось совась пель экшс,
Сулеесь сеске кекшсь.