Сон касы, касы — эрьва чистэ вакс

***
Сон касы, касы — эрьва чистэ вакс.
Видьмензэ салакшныя седей ваксстот,
Зярдо тон шешкить, шешкить эрязасто
Паксянь цецятнень, конат потсот кассть.

А виднян цецят, эйсэст а кочкан.
Весть кода-бути рунгонть потс, керш ёнов
Мон виднинь валт — панжтокшность ашо конёвт,
Сынь истят ашольть — маштовсть ансяк калмс.

Те видьменть ванстынь. Иезэнзэ весть
Мон васонь коморс саилия пелезь.
Ды весть петнявтынь лангозонзо сельведь,
Ды сон сотызе. Сон таго вельмесь.

Ней кадык касы — эрьва чистэ вакс.
Мон лиятан, а карман шешкемензэ.
Сы шказо — ды сонгак ёртсы видьмензэ.
Ансяк илязо понго тонь килангс.