Садо велев!

Течи авам пани прякат. 
Капстань прякат — келеть нильсак! 
Тетям столенть перька яки, 
Вийсэяк ушов а ливтьсак. 

Вантано каштомонть пелев, 
Косо лексить тантейкатне. 
Садо инжекс минек велев, —
Тесэ сех тантейть прякатне! 

Тесэ сехте тантей ведесь, —
Симат-симат — а пешкедят! 
Варчат ловсо ансяк педязь —
Теке менелев кепетят! 

Мон сайтядызь панго мельга, 
Экшелямо, калс мольтяно... 
Ды, паряк, мертядо: эрьга, 
Велев эрямо сатано!