Ракиця част

Тики-таки — частнэ якить.
Тики-таки — теке ракить:
«Тики-таки, тики-так —
Седе курок школав стяк!
Вельть вечкат удомо,
Нузяксчить кастомо».
Истя эйстэст налкстынь —
Верде алов валгстынь,
Кекшинь седе васов, —
Ней сынст а марясынь.

Ансяк вана зыян:
Стямо шканть удыя.
Школасо сëвнымизь,
Ялгатне пейдимизь,
Частомо а кода,
Савить таргамс одов.
Кадык эно якить,
Кадык лангсон ракить.
Тевест уш истямо:
Лездыть монень стямо.