Пувамо

Раминь пувамо лавкасто.
Пувинь сонзэ састо-састо...
Пелинь, илязо сезеве,
Кажо илязо тееве.

Лиссь пувамом покш ды ожо —
Менельс кепедизе ëжом.
Кувать налксинь пувамосон —
Эрьва кода, эрьва косо.

Мадинь — аксялов путыя,
Аволизе сезе кияк.
Веть сыргозинь виев зэртте —
Арсинь, пурьгине ледсь верде.

Сезевсь пувамом, пиштякась!
Кие чумо?.. Чумо псакась!
Эх, сонськак тандадсь, улема, —
Вельть гайтевель сезевемась.

Мон а сëвноса — сон ялгам,
Вечки якамо аксялга.
Пувамо лия рамави,
Ялга кувать вешнемс сави.