Пупакай
Мур-Мур псакинесь кувать баксорясь кудокенкшенть. Окойники панжизь, ды сон лиссь ушов. Тей-тов варштась, мейле апак капша сыргась умарьпирев. Тосо, сэрей умарина ало, аштесь эземне, кона лангсо сон вечксь оймсеме. Кода свал, пачкодсь малазонзо, уцор-поцор кузсь лангозонзо, ашназа-якстере кельсэнзэ шлясь-нардась, сорновтызе тюжа тюс понынензэ ды мадсь. Сёксень маней чистэ тесэ пек паро удомс: валдо, лембе, шожда ялткесь канды тантей чинеть.
Мур-Мур ансяк матедевсь, маласонзо -- каштор-каштор, каштор-каштор… Псакинесь шик стявтынзе пилензэ, вырк панжинзе сельмензэ: эзементь алга, лопатнень ланга, празь покш якстере умартнень юткова лексезь-пувсезь мезе-бути якась. Сонсь сёрмав, чевте понань таркас эзганзо салмуксонь кондят пезнавтнезь. Теке вальмалангсо сёвонень чакшсо касыця пупиця цецясь. Ансяк тона пиже, те сёрмав. Мур-Мур эзь цидярдо, валгсь масторов, мольсь ваксозонзо, токизе икельце пильгесэнзэ ды никстиксэлизе. Тесэ сёрмавнесь кирневсь оскинекс ды шорк судозонзо сялго. Псакиненть сельместэ сяткот ливтясть. Сон кешнязевсь, ёзызе пупазь судонзо ды пеняцязевсь:
— Мезень кисэ пупимик? Мекс кенжеть стявтнят?
— Монь аволь кенжеть — салмукст, — мерсь сёрмавнесь.
— Ялатеке, кенжеть эли салмукст! Пупить. Мон ансяк никстиксэлитинь… Мерят?
— А пелиндерят пупавомадо, никстямак, — мерсь пупакаесь.
Мур-Мур никстизе, мелензэ топавтомадо мейле кортазевсь:
— Чинеть вечкевикс, ансяк мекс тон истямо кежеят, пупицят? Паряк, пелят кидеяк?
— Арась, минь, сеельтне, свал истяттано, чачинек пупицякс, — толковизе сёрмавнесь. — Минек туртов неть салмукстнэ пек лезэвть. — Тесэ сеельнесь мольсь покш умарь ваксс, нежедсь эйзэнзэ, ды тона педясь кутьмерезэнзэ. — Минь истя сталмот кандтнетяно. Салмукстнэ зыяндояк ванстыть эйсэнек. Оскинекс пурнавтано, стявтсынек сялгонок — киненьгак а сусковтано. Невтьса?
— А эряви, мон уш неия, марязьгак мария, — мерсь Мур-Мур. — Тон, паряк, вадрят, ансяк монь арась мелем теевемс мартот ялгакс, пелян пупавомс.
Псакинесь кирнявтсь эземненть лангс ды мадсь. Матедевемазонзо арсесь: «Кода истя, чачомс ды свал улемс пупицякс?».
Мур-Мур ансяк матедевсь, маласонзо -- каштор-каштор, каштор-каштор… Псакинесь шик стявтынзе пилензэ, вырк панжинзе сельмензэ: эзементь алга, лопатнень ланга, празь покш якстере умартнень юткова лексезь-пувсезь мезе-бути якась. Сонсь сёрмав, чевте понань таркас эзганзо салмуксонь кондят пезнавтнезь. Теке вальмалангсо сёвонень чакшсо касыця пупиця цецясь. Ансяк тона пиже, те сёрмав. Мур-Мур эзь цидярдо, валгсь масторов, мольсь ваксозонзо, токизе икельце пильгесэнзэ ды никстиксэлизе. Тесэ сёрмавнесь кирневсь оскинекс ды шорк судозонзо сялго. Псакиненть сельместэ сяткот ливтясть. Сон кешнязевсь, ёзызе пупазь судонзо ды пеняцязевсь:
— Мезень кисэ пупимик? Мекс кенжеть стявтнят?
— Монь аволь кенжеть — салмукст, — мерсь сёрмавнесь.
— Ялатеке, кенжеть эли салмукст! Пупить. Мон ансяк никстиксэлитинь… Мерят?
— А пелиндерят пупавомадо, никстямак, — мерсь пупакаесь.
Мур-Мур никстизе, мелензэ топавтомадо мейле кортазевсь:
— Чинеть вечкевикс, ансяк мекс тон истямо кежеят, пупицят? Паряк, пелят кидеяк?
— Арась, минь, сеельтне, свал истяттано, чачинек пупицякс, — толковизе сёрмавнесь. — Минек туртов неть салмукстнэ пек лезэвть. — Тесэ сеельнесь мольсь покш умарь ваксс, нежедсь эйзэнзэ, ды тона педясь кутьмерезэнзэ. — Минь истя сталмот кандтнетяно. Салмукстнэ зыяндояк ванстыть эйсэнек. Оскинекс пурнавтано, стявтсынек сялгонок — киненьгак а сусковтано. Невтьса?
— А эряви, мон уш неия, марязьгак мария, — мерсь Мур-Мур. — Тон, паряк, вадрят, ансяк монь арась мелем теевемс мартот ялгакс, пелян пупавомс.
Псакинесь кирнявтсь эземненть лангс ды мадсь. Матедевемазонзо арсесь: «Кода истя, чачомс ды свал улемс пупицякс?».
Жанр: Сказка
Автор: Татьяна Разгуляева