Покштям рамась вашине...

Покштям рамась вашине —
Прясто пулос ашине,
Прок менельсэ пельне.
Мартон налкси, эльни.

Мон пек вечкса ялгинем —
Тештинем, чивалдынем!
Тикшинеде андса,
Карвотнеде ванстса.

Пулынензэ кодаса
Ды ардтнеме нолдаса —
Ливтязь ливти кадык,
Олячис тонады.

Вана касы вашинем,
Прясто пулос ашинем,
Лангозонзо озан —
Азë вешнек, косан.

Учодо монь, тейтерькат, —
Пурнан тыненк пейделькат!
Ды, кастадо зярдо,
Максса лишмем ардомс.