Пейдезевть

Минь тонь марто, оям, кавто вейкеть:
Идем каткат, аволь ашо понат.
Минек потсо лакить толонь эрькеть!
Паро се ― тюремстэ тон монь ёнат.

Сельмесэнек идемевськеть киштить ―
Минек кенжсэ аволь чеерть кундсемс!
Сэтьмечиденть седеенек пиштить,
Сэтьмечиденть аноктано кувсемс.

Паряк, минь аволь шкастонзо чачозь,
Секс локшотне кисэнек авардить?
Мезе чова киськесэнть копачазь?
Кодат унжат удемганок ардтнить?

Кавто вейкеть ― азарсть аламодо.
Кодамо тештестэ тезэнь прынек?..
Паряк, зярдояк чачтано одов,
Ды артсамизь ашо тюссо минек.