Палт!

Зярс ули шкат ды виеть теемс — тейть.
Зярс потсот чави седеесь-баягась,
Палт валдо толкс, солавтнек кельме эйть,
Масторонть келес гайги морокс яказь.

Кадык тонь толсто сыремить од тештть,
Цитниця сяткот срадыть — амадстевикст.
Кадык сынст ойметне а содыть кеж, —
Илязо лепштя эйсэст стака кевекс.

Кадык од тешттне невтить лия кить,
Кадык лиясто пувазеви вармась,
Кадык сынь аизнявикс пандокс стить,
Конатнень алов лавшочинек калмазь.

Сынь муить кемевтемань лия валт,
Минектнень коряс сядоксть седе виевть.
Секскак иля лепамо, цятнозь палт!
Бути а минь тонь марто, сестэ кие?