Ояксчи
Эрясть-аштесть Кедьнимилявне ды Чипаень Налнэ. Сынь ульнесть пек вадря ялгакс.
— Мейсэ парозо Чипаень Налнэнь? Сон истямо валдо… — сокоргавтыця чипаенть лангс ванозь, музгордсть лия кедьнимилявтне. Истя эрьва чистэ сынь сёвность Кедьнимилявнень семс, зярс а матедевильть. Кедьнимилявтне, чопода кевпотмарс кекшезь, удыть чить.
— Мейсэ парозо Кедьнимилявонь? — абунгалезь кевкстнесть вейкест-вейкест эйсэ чипаень налтнэ. — Мартонзо кортамс шкаяк арась. Зярдо валске минь стятано, сон пры удомас. Чокшне минь пурнатано мадеме, сон сти.
Кияк эзь чарькоде, мекс эрить ояксчисэ истят авейкеть Кедьнимилявне ды Чипаень Налнэ. Ансяк сынь ульнесть паро ялгакс, ды весе! Валске сыргози Чипаень Налнэ, мусы Кедьнимилявнень, валсынзе валдосо сёлмонзо, эждьсынзе ды мери:
— Шумбрат! Кода ютась весь вирьсэнть?
Кулятне эрьва кодатольть. Течи ялгась тандавтызе.
— Вай, вай! — сельмекерьсэнзэ сеедьстэ лыпаезь мерсь Кедьнимилявне. — Ёмсесь Пупакай сеельнесь. Весе талность.
— Косоль сон?! Ков тукшнось?!
— Мон сонзэ муия, — прянь шназь мерсь Кедьнимилявне. — Пупакай оргодекшнесь аванзо эйстэ ды пракшнось сыре овтонь пизэс.
— Вай, вай! — пектеяк пек тандадсь Чипаень Налнэ.
— Иля тандале, — пейдезевсь Кедьнимилявне, — сеельнесь пракшнось чевте седей овтонь элес — нолдызе. Вадря, зярдо весемесь прялеви парсте.
— Те виде, — мерсь Чипаень Налнэ. Ды сеске поладсь: — Монень шка туемс, тевень вельть ламо. Эряви ведьлукштнень эждемс, килеень синдезь тарадстонть петниця веденть костямс, кстыйтнень кенерстемс, нармушкатнень, вирень лия эрицятнень пувтамс, сеельненть содавтомс… Чокшнес! Удок сэтьместэ!
— Уцяскав чи теть, — мерсь тензэ Кедьнимилявне ды — либорк маласо кевпотмаронтень.
Кедьнимилявне матедевсь, Чипаень Налнэ кундась тевензэ топавтомо. Чокшне сынь таго вастовсть.
— Паро чокшне, Чипаень Налнэ! — мерсь ялганстэнь Кедьнимилявне. — Кода чись ютась? Топавтовсть-эзть теветь?
— Тевень топавтовсть, ансяк… — нусманясто ушодсь ёвтнеме Чипаень Налнэ, — ансяк апаро тев лиссь — кавто мекшть сёвнозевсть, тантей медьарво марто цеця тенст эзь явово.
— Мон арсян: мекштне умок уш мирясть, — оймавтсь ялганзо Кедьнимилявне.
— Паро улевель, мон пек а вечкан, зярдо сёвныть.
Чипаесь кармась валгомо. Явсть Кедьнимилявне ды Чипаень Налнэ. Прядовсь чись. Прядовсь сынст эйстэ ёвксоськак.
— Мейсэ парозо Чипаень Налнэнь? Сон истямо валдо… — сокоргавтыця чипаенть лангс ванозь, музгордсть лия кедьнимилявтне. Истя эрьва чистэ сынь сёвность Кедьнимилявнень семс, зярс а матедевильть. Кедьнимилявтне, чопода кевпотмарс кекшезь, удыть чить.
— Мейсэ парозо Кедьнимилявонь? — абунгалезь кевкстнесть вейкест-вейкест эйсэ чипаень налтнэ. — Мартонзо кортамс шкаяк арась. Зярдо валске минь стятано, сон пры удомас. Чокшне минь пурнатано мадеме, сон сти.
Кияк эзь чарькоде, мекс эрить ояксчисэ истят авейкеть Кедьнимилявне ды Чипаень Налнэ. Ансяк сынь ульнесть паро ялгакс, ды весе! Валске сыргози Чипаень Налнэ, мусы Кедьнимилявнень, валсынзе валдосо сёлмонзо, эждьсынзе ды мери:
— Шумбрат! Кода ютась весь вирьсэнть?
Кулятне эрьва кодатольть. Течи ялгась тандавтызе.
— Вай, вай! — сельмекерьсэнзэ сеедьстэ лыпаезь мерсь Кедьнимилявне. — Ёмсесь Пупакай сеельнесь. Весе талность.
— Косоль сон?! Ков тукшнось?!
— Мон сонзэ муия, — прянь шназь мерсь Кедьнимилявне. — Пупакай оргодекшнесь аванзо эйстэ ды пракшнось сыре овтонь пизэс.
— Вай, вай! — пектеяк пек тандадсь Чипаень Налнэ.
— Иля тандале, — пейдезевсь Кедьнимилявне, — сеельнесь пракшнось чевте седей овтонь элес — нолдызе. Вадря, зярдо весемесь прялеви парсте.
— Те виде, — мерсь Чипаень Налнэ. Ды сеске поладсь: — Монень шка туемс, тевень вельть ламо. Эряви ведьлукштнень эждемс, килеень синдезь тарадстонть петниця веденть костямс, кстыйтнень кенерстемс, нармушкатнень, вирень лия эрицятнень пувтамс, сеельненть содавтомс… Чокшнес! Удок сэтьместэ!
— Уцяскав чи теть, — мерсь тензэ Кедьнимилявне ды — либорк маласо кевпотмаронтень.
Кедьнимилявне матедевсь, Чипаень Налнэ кундась тевензэ топавтомо. Чокшне сынь таго вастовсть.
— Паро чокшне, Чипаень Налнэ! — мерсь ялганстэнь Кедьнимилявне. — Кода чись ютась? Топавтовсть-эзть теветь?
— Тевень топавтовсть, ансяк… — нусманясто ушодсь ёвтнеме Чипаень Налнэ, — ансяк апаро тев лиссь — кавто мекшть сёвнозевсть, тантей медьарво марто цеця тенст эзь явово.
— Мон арсян: мекштне умок уш мирясть, — оймавтсь ялганзо Кедьнимилявне.
— Паро улевель, мон пек а вечкан, зярдо сёвныть.
Чипаесь кармась валгомо. Явсть Кедьнимилявне ды Чипаень Налнэ. Прядовсь чись. Прядовсь сынст эйстэ ёвксоськак.
Жанр: Сказка
Автор: Татьяна Разгуляева