Откерь

Тынь ардтниде бука лангсо, 
Кона покш, прок ине пандо? 
Бука лангсо, теке танксо, 
Ардан велева, варштадо! 
Авам сëвны, тетям карды, 
Покштям мельспаросо пейди:
Келя, кадык эно арды, 
Мезе теят, откерь эйденк.

Ардан велепес ды валган, 
Теке алкукс откерь ине. 
Тесэ учить эйсэнь ялган
Ды пек мазый тейтерькине —
Тюжа черензэ кувакат, 
Пиже сельме, ашо пейне... 
Бути видьстэ ëвтамс, ялгат:
Сонзэ кисэ откерькс тейнян.