Ормаменькс

Вирень лейчиресь сэтьме ды нусманя. Пиже озязтнэ а вешкить, ватракштне а ватордыть, чеертне а каштордыть: миятнень чочконь кудынесэст ормалгадсь Пшти Пейне. Миялевкскенть сэреди уропейнезэ. Кувси вишкинесь, аварди. Авазо вакссонзо талны-мелявты. Шекшатась-лецицясь зярыяксть уш ливтнесь, кевкстнесь:
— Одажа лопа ведте симдинк? Медьарвосо ваднинк? Карвопангосо ёзынк?
Мия авась укстни ды прясонзо нурявты. Шекшата сёлмосонзо тетькси: «Эряви пурнамс вирень сехте паро лецицятнень, вейсэнь мельс сама, кода лездамс пейормасо майсицянтень».
Пшти Пейнень ялганзо — Вик-Вик урнэсь, Чив-Чив озязнэсь ды Вак-Вак ватракшкесь — умок уш пуромсть перьканзо. Вик-Вик ды Чив-Чив нусманясто ваныть кузонь тарад лангсто. Вак-Вак кандсь Пшти Пейнень ожо ведьлукш. Сынь пек ризнэсть сэредиця ялгаст кис, кода маштсть ладсесть эйсэнзэ.
Састь вирень весе лецицятне, арсесть-тейсть ды ладизь: сэредиця пеенть таргама.
Тандадсь Пшти Пейне, кувсемедеяк лоткась. Талнозевсь Вик-Вик урнэськак, ушодсь тарадсто тарадс кирнявтнеме. Апаро вайгельсэ пижакадсь Чив-Чивгак. Вак-Вак ведьлукшонть марто кирнявтсь ведьс, кекшсь тусто ведьпарсейтнень потс. Ды апак учо Пшти Пейне мерсь:
— Монень маряви, пеем лоткась сэредемеде. Сэредьксэсь тусь! Илядо тално!
Мезеяк а теят, Шекшатанень савсь кекшемс пеень таргамонь кедьёнксонзо керень паргос. Сонсь яла эсь пачканзо абунгалесь: «Мекс, каня, миялевксэнть пеезэ сеске лоткась сэредемеде?».
Тень кис тень сеске чарькодизь вишкинетне. Пшти Пейне салавинька видькстась: келя, пеезэ эзь сэредеяк, покш мелезэль — васькавтовлизь. Эрси эдь истяяк. Весень марто.