Нурямот

Верев-верев — чипаентень,
Алов-алов — модынентень,
Нурямосо нурсетяно,
Эрямонтень «кенярдтано»:

Сувтемесэ — уцясканок,
Автень курго — обуцянок,
Варяв кескавсо — паронок,
Синдень трешникке — коронок.

Чаво зепе — ярмаконок,
Лишмень улавшка — долконок.
Озяз нернешка — превенек, —
Ковгак а молить тевенек.

Аштетяно, теке тумот,
Весе икеленек чумот:
Пазось, чопачась, эрямось,
Валске марто рана стямось...
Истя эрязь, чарькодтяно:
Мезеяк а полавттано!
Бути свал илештязь кедтне —
Сестэ, нама, сыргить тевтне.