Молинь-келинь викшнезь ожакива...

Молинь-келинь викшнезь ожакива,
Эрьва суресь янокс монень ульнесь.
Козонь сялгоневсь чова салмуксось,
Тозонь яла лоткилинь оймсеме.
Молинь аволь пинге, аволь кавто,
Ютынь понань сурень весе тюстнэнь,
Лияназос поназь весе арцттнэнь.
Эзь редяво, кода токинь пентень:
Китне керизь мазый ожакитнень!
Порнизь сынь, истожизь лияназонть,
Ловизь-цётызь меельце суретнень.

Молинь вейке содыця ломаннень
Ды ёвтыя мелем. Меринь: «Варштак!
Китне керизь мазый ожакитнень,
Ней а кува монень якамс-пакамс,
Ней лиядынь эрьва ёндо штадо».
Сайсь ломанесь салмукс суревтеме
Ды монь кедьга викшнизе се арцтонть,
Коната а сэвеви китненень,
Коната свалшкане карми мартон.