Микшниця ривезь

Лиясто вана мезе вастат...
Ривезесь онкстнесь-микшнесь капстат,
Дока. Ёжов. Пулозо юрны,
Валонзо лембть, сонсь каткакс мурны.
Путы сон сталмо вестнэнь лангс —
А фатят, кода луты панкс.
Весть Сея сась капстань рамамо.
Ривезесь — онкстась, се — парамо:
— Манчат эйсэнь! Законтнэнь к-колсят?
Ривезесь ансяк турват нолсесь.
Ды тусь манязесь пеняцямо....
Районсто Овто сась кортамо.
Ушодсь:
—Ладян, Ривезьке, кой:
Аволь капстат теть микшнемс — ой...

Улить истят ривезть ды овтт.
Умок бу тенст невтемс поровт.