Масторлангось раки, пейди...

Масторлангось раки, пейди:
Мештем ало - ойме, эйде! -
Пазонь казне, кеняркс покш,
Авань уцяскань од тёкш.

Горниповнекс панжовсь потсон,
Тештинекс вельмесь седейсэнь.
Сравтовсь модась пиже коцтсо,
Ней яксетяно минь вейсэ.

Викшнян тензэ ашо паля,
Някине мазыйне кочкан,
Керьксан эрьгинеть-човалят,
Чевте тодовне анокстан.

Уцяскаван - аван... Аван!
Пазось венстясь тень чинь налнэ.
Сонзэ марто эрьва валске
Мартон менелесь прок талны.