Ливтясь лопась тарадпестэ

Ливтясь лопась тарадпестэ
Нармуньлевкскекс эсь пизэстэ,
Ансяк аволь верев ливтясь –
Видьстэ рудазонтень прась.
Паряк, содась: тесэ пезэ?
Паряк, мерсь: «Истя улезэ»?
Паряк, сон мик пейдезь ливтясь?
Паряк, текень кис эрясь?

Аволь пижелгадомасо,
Аволь рудазкадомасо, –
Варманть марто ливтямосо
Лопась уцясканзо несь.
Кадык ульнесь сон нурькине –
Сельмень кончтавкс, кенжепине… –
Коштось варчизе сталмонзо!..
Теде мейле мезе песь?