Лездак, Мода!

Ёвтак монень, мода, тиринь мода,
Кода ванстомс ундоксонок, кода?
Иляст коське тарадонок, лездак,
Од касовкстнэ сэрей тёкштнес пезнаст.

Кода теемс истя – седейть талност,
Эрзянь моронть марязь, гайттнень явост,
Коштоськак улезэ сыненст нежекс,
Чарькодест: стувтомс эсь лементь – пежетькс?

Рангиварма сравтни берянь кулянть –
Пштикс мештес: эрзят ванды а улить.
Кода истя ёмамс, мода, лангстот?!
Ванстык раськем вандынь чинзэ, ванстык!

Ёмить чувтт, олыть пиземечирькеть…
Кода истя мазычитнень киртямс?
Ансяк сестэ цецянь пусмось палы,
Зярдо эрьва цецясь пейдезь ваны.