Кода эрян? Кода эрить весе...

- Кода эрян? Кода эрить весе.
Пелян, Пазонть кежензэ савтсынь.
Прок исяк эскельдинь Шобольпестэ,
Теке онс те ошонтень валгинь.

Кодаяк а тонадан эйзэнээ,
Яла бажан велев мекев самс.
Лепштясамам тетям мештезэнзэ,
Каи авам чопонь тусто ям...

Лисян ушов кепе ды ранаяк.
Седейвитьксэкс морадо, атякшт!
Баня уштан, понган теке раев,
Пенгтне каршон: укштор-пакшт.

Чии Филька кискиненек каршо,
Гавнозь-велязь каяви монь эйс...
Течимс прясон марян мон эйкакшокс,
Сормсевкст викшни эрямось седейс.