Илямак кадо

Илямак кадо модачирес,
Тосо варматне истят кежейть.
Мон сырган мельгат, сырган чиезь
Ды ансяк вакссот муян неже.

Илямак кадо менель алов,
Сон истя потмурасто ваны.
Мон аран тонеть седе малав, ―
Паряк, пиземесь лотки ванды.

Илямак кадо пси сельведекс,
Ризнэмакс, майсемакс, янксемакс,
Оймепотмакссо салокс, сэпекс
Ды вандынь чинтень акемемакс.

Кадомак седеень токномакс,
Кадомак шождасто лексемакс,
Вальмасо штатолонь паломакс,
Кадомак алкуксонь вечкемакс.