Эрзянь вал

Зярдо марян эрзянь вал,
Эрзянь… конас кельги менель,
Конась, прок чипаень нал,
Солавтсы седейстэ кевенть,
Зярдо марян эрзянь вал,
Кона канды лёмзёрчине,
Конань эйсэ модань сал,
Конань эйсэ тошки виресь,
Оймем пештьсы тундонь ведь,
Эждьсы кудоюртонь лембе,
Кедьсэнь марян ялгань кедь,
Эрямом палы, а ченги.
Зярдо марян эрзянь вал,
Кона эсень, кона ине,
Кеман, улемс тензэ свал.
Эрзянь эрьва валось – сырнень!