Эрятано — сталмонь ускозь...

Эрятано — сталмонь ускозь,
Аштетяно — келень сускозь…
Кевердтяно аловпандт —
Серькань синдезь, секень вант!
Некеть тевенек, прок вазонь:
Ков содсамизь, уреть пазонь,
Тоско порнетянояк…
А правттано чирь валгак,
Бути аламо тикшинесь
Эли пиксэсь пек нурькине,
Калязь каштом — кизэнь чись,
Кумажава рудаз — кись,
Пракстакс лопавти пиземе,
Шумбрачиськак аволь кеме —
Паратано судо алов,
Нильнетяно сельведть саловт.
Чалгсетяно ве таркасо:
Кирьгапиксэсь колиясо
А нолдатанзат васов,
Зярс а пры васенце лов…