Эринь ― нежес апак кундсе

Эринь ― нежес апак кундсе,
Апак пижне, апак кувсе.
Эринь ― Паздонть апак кекшне,
Сырнень-сиянь апак некшне.

Секс, оям, илямак сялдо,
Мон а пелян пици валдо:
Валсо сялгонезян весе,
Истят сялгон улить эсень.

Иля ёвтне, мезе теинь.
Мезе теинь ― секень неинь.
Ялатеке эзинь ёма,
Кадык кортыть тень ― пайстоман.

Кеме кородовксом-кором,
Мокшнакс сювордазь комором,
Ды зярс ули вием-нардем ―
Терявтомакая нардтнемс.