Чатьмонема
Ушось ульнесь сёксень: якшамне, рудазовсто а мазый ды нусманясто вармав. Велень кувака курось аштесь сэтьместэ: а куш а каш, а киска, а куля… Ансяк Марайкинтнэ тетят-цёрат шлясть вальмало а умок рамазь машинаст.
— Веденть эряволь эждемс аламодо… — Ваня ёртызе нуланть ведрантень ды ёвкстынзе кедензэ зепес.
— Мезеяк, а кулат, — нурькинестэ мерсь тетязо.
Варманть пачк марявсь моторонь вайгель. Ды курок, раужо чаротнень лангс тюжа лопань пурназь, шабра кудонть икелев лоткась машинаськак. Аваст туртов инжекс састь Шаталкинтнэ. Васня машинастонть лиссь Вася, мейле Колька цёразояк. Кавонест сыргасть кудыкелькс кенкшенть ёнов. Тонатась, улема, пекстазель.
— Марят, шабра, — Марайкинтнэнь ёнов ютазь, мерсь Вася. — Косо сыресь?
— Некак, Маря бабанень тусь, — кедензэ понкстнэс нардтнезь, путсь каршо вал Марайкинтнэстэ седе покшось. — Сы курок.
— М-м-м, чарькодевсь. Кода эрямось?
— Ды аламонь-аламонь, пикстердтяно. Тынсь кода?
— Истя жо. Эрятано.
Цёратне лепштнизь вейкест-вейкест кедтнень.
— Тонь? — Вася мизолдозь невтсь машинанть лангс.
— Арась, шабра велень цёрань. Кадызе теске ды мерсь: шлинк, ялгат, инескеть! — згилязь мерсь Марайкин Ванька.
— Тонь кие кевкстни, превей реве? — апак учо апар-
кстомсь веженсь Шаталкинэсь.
— Мезе?! — мештензэ икелев ливтезь, сыргась лангозонзо Ваня.
— Э-э-э, лоткадо, — тетятне айгизь кавто ёнов. — Атякшт…
— Од? Зяродо саик? — яла певердсь ды певердсь кевкстематнень Шаталкин.
— Аволь од, ие тензэ. Тольяттистэ рамия, — покш мельспаросо кортась Марайкин.
Седе тов шабратнень юткова кортазельть тюсось, моторось, «алксонть» ваньксчись ды машинанть лия ёнксонзо. Тень пингстэ цёратне ниленест таргасть.
— Косо ней важодтядо? — кевкстсь Шаталкин.
— Мон — Тольяттисэ, Ванька — Московсо. Сынек вана кудов, тантей прякадо ярсамо, — мерсь Марайкин. — Тынсь кода, тоско?
— Тоско.
Ванянь ды Колянь лангс апак учо варштазь, сынст вейке-вейкень пупсиця сельмест неезь, Марайкин аламодо пелезь ушодсь панеме кортамонть седе тов.
— Умок эзиде сакшно…
— Умок. Кавтошка ковт, некак. Баня, ванан, уштат, шабра? — Шаталкин пильгесэ лепштизе сигаретанть. — Нолдасамизь шлямо?
— Пиявтомо а мезть кортамскак! — пейдезь мерсь Марайкин. — А эрявтадо!
— Вадря, — пейдезевсь Шаталкингак. — Тынк банясь — минек пиясь. Лади?
— Те тунь лия тев. Истя лади. Кавтошка часонь ютазь садо.
— Молян зярс пандопряв варштан. Идем яксярготне улить, паряк? — Коля варштась тетянзо лангс, ды ялатеке чарькодевсь — кевкстнесь весень.
— Ки соды. Умок эзинь яка, — мерсь Марайкин.
— Адя, монгак молян. Варштатано, — апак учо кортазевсь Ваня.
— Оршнек. Курок сыргатано, — варштась лангозонзо Коля ды велявтсь кудост ёнов.
Ваняяк совась кудос.
— Ды уш иля пеле, мезеяк а ули, — Шаталкин кундызе Марайкинэнь вановтонзо. — Зяро шка ютась. Стувтовсь весемесь. Эстеньгак стувтовсь, ков тосо сыненст прясо кирдемс.
— Кие соды…
— Истямс истя. Керясь, кода мереви, цёрат пенгеть, керясь. Те эрявсь арсемс тензэ! Машинанок пултамо снартнесь! Кода ансяк превензэ сатотсть… Конясонзо аржось, ванан, те шкас кадовсь? Кежть иля кирде, истя лиссь…
— Мезеяк, — аволдась кедьсэнзэ Марайкин. — Те тевесь сядоксть уш кортазь…
— Ды что характерна, кода фильмасо мерить, лисинь таргамо, бензинэнь чинесь — а лекстяват. «Те мезе истямось?» — арсян. Ванан — Ванька. «Мезть теят?» — кевкстнян. Сон монь — мокшнасо. Савсь зэрькадемскак…
— Онот, тонсь эзик стувто, — Марайкин варштась та-ков икелев.
— Мон ламо мезть прясон кирдян, ды кежть тосо ялатеке арасть, — мерсь Шаталкин ды мизолдозь поладсь: — Мезе сынь сестэ тапарясть! Алкуксонь санта-барбара!
— Кода минськак эсь шкастонок, — валтнэнь та-косто потсто стакасто таргсезь, ёвтась Марайкин. — Натань марто васня тон яксить, урьвакстынь лангозонзо ялатеке мон.
— Вана мерть ней: индиянь фильматне ансяк манчить! — сонськак эзь чарькоде мекс раказевсь Шаталкин ды чатьмонезевсь. Мейле поладсь: — Эрямосонть мезе ансяк а эрси!
Истя, раксезь ды чатьмонезь, сон свал идеськак прянзо. Кода те сонзэ лиснесь зняро шкань перть — Шаталкин сонськак педе-пес эзь чарькоде.
— Веденть эряволь эждемс аламодо… — Ваня ёртызе нуланть ведрантень ды ёвкстынзе кедензэ зепес.
— Мезеяк, а кулат, — нурькинестэ мерсь тетязо.
Варманть пачк марявсь моторонь вайгель. Ды курок, раужо чаротнень лангс тюжа лопань пурназь, шабра кудонть икелев лоткась машинаськак. Аваст туртов инжекс састь Шаталкинтнэ. Васня машинастонть лиссь Вася, мейле Колька цёразояк. Кавонест сыргасть кудыкелькс кенкшенть ёнов. Тонатась, улема, пекстазель.
— Марят, шабра, — Марайкинтнэнь ёнов ютазь, мерсь Вася. — Косо сыресь?
— Некак, Маря бабанень тусь, — кедензэ понкстнэс нардтнезь, путсь каршо вал Марайкинтнэстэ седе покшось. — Сы курок.
— М-м-м, чарькодевсь. Кода эрямось?
— Ды аламонь-аламонь, пикстердтяно. Тынсь кода?
— Истя жо. Эрятано.
Цёратне лепштнизь вейкест-вейкест кедтнень.
— Тонь? — Вася мизолдозь невтсь машинанть лангс.
— Арась, шабра велень цёрань. Кадызе теске ды мерсь: шлинк, ялгат, инескеть! — згилязь мерсь Марайкин Ванька.
— Тонь кие кевкстни, превей реве? — апак учо апар-
кстомсь веженсь Шаталкинэсь.
— Мезе?! — мештензэ икелев ливтезь, сыргась лангозонзо Ваня.
— Э-э-э, лоткадо, — тетятне айгизь кавто ёнов. — Атякшт…
— Од? Зяродо саик? — яла певердсь ды певердсь кевкстематнень Шаталкин.
— Аволь од, ие тензэ. Тольяттистэ рамия, — покш мельспаросо кортась Марайкин.
Седе тов шабратнень юткова кортазельть тюсось, моторось, «алксонть» ваньксчись ды машинанть лия ёнксонзо. Тень пингстэ цёратне ниленест таргасть.
— Косо ней важодтядо? — кевкстсь Шаталкин.
— Мон — Тольяттисэ, Ванька — Московсо. Сынек вана кудов, тантей прякадо ярсамо, — мерсь Марайкин. — Тынсь кода, тоско?
— Тоско.
Ванянь ды Колянь лангс апак учо варштазь, сынст вейке-вейкень пупсиця сельмест неезь, Марайкин аламодо пелезь ушодсь панеме кортамонть седе тов.
— Умок эзиде сакшно…
— Умок. Кавтошка ковт, некак. Баня, ванан, уштат, шабра? — Шаталкин пильгесэ лепштизе сигаретанть. — Нолдасамизь шлямо?
— Пиявтомо а мезть кортамскак! — пейдезь мерсь Марайкин. — А эрявтадо!
— Вадря, — пейдезевсь Шаталкингак. — Тынк банясь — минек пиясь. Лади?
— Те тунь лия тев. Истя лади. Кавтошка часонь ютазь садо.
— Молян зярс пандопряв варштан. Идем яксярготне улить, паряк? — Коля варштась тетянзо лангс, ды ялатеке чарькодевсь — кевкстнесь весень.
— Ки соды. Умок эзинь яка, — мерсь Марайкин.
— Адя, монгак молян. Варштатано, — апак учо кортазевсь Ваня.
— Оршнек. Курок сыргатано, — варштась лангозонзо Коля ды велявтсь кудост ёнов.
Ваняяк совась кудос.
— Ды уш иля пеле, мезеяк а ули, — Шаталкин кундызе Марайкинэнь вановтонзо. — Зяро шка ютась. Стувтовсь весемесь. Эстеньгак стувтовсь, ков тосо сыненст прясо кирдемс.
— Кие соды…
— Истямс истя. Керясь, кода мереви, цёрат пенгеть, керясь. Те эрявсь арсемс тензэ! Машинанок пултамо снартнесь! Кода ансяк превензэ сатотсть… Конясонзо аржось, ванан, те шкас кадовсь? Кежть иля кирде, истя лиссь…
— Мезеяк, — аволдась кедьсэнзэ Марайкин. — Те тевесь сядоксть уш кортазь…
— Ды что характерна, кода фильмасо мерить, лисинь таргамо, бензинэнь чинесь — а лекстяват. «Те мезе истямось?» — арсян. Ванан — Ванька. «Мезть теят?» — кевкстнян. Сон монь — мокшнасо. Савсь зэрькадемскак…
— Онот, тонсь эзик стувто, — Марайкин варштась та-ков икелев.
— Мон ламо мезть прясон кирдян, ды кежть тосо ялатеке арасть, — мерсь Шаталкин ды мизолдозь поладсь: — Мезе сынь сестэ тапарясть! Алкуксонь санта-барбара!
— Кода минськак эсь шкастонок, — валтнэнь та-косто потсто стакасто таргсезь, ёвтась Марайкин. — Натань марто васня тон яксить, урьвакстынь лангозонзо ялатеке мон.
— Вана мерть ней: индиянь фильматне ансяк манчить! — сонськак эзь чарькоде мекс раказевсь Шаталкин ды чатьмонезевсь. Мейле поладсь: — Эрямосонть мезе ансяк а эрси!
Истя, раксезь ды чатьмонезь, сон свал идеськак прянзо. Кода те сонзэ лиснесь зняро шкань перть — Шаталкин сонськак педе-пес эзь чарькоде.
Автор: Виталий Картышкин