Аванень

Сиянь суринеть викшнить черень -
Яла эйкакшан тонеть, авай,
Яла мелявтат, кевс эшкевинь,
Таго кувать пичксемс эряви...
Яла витевлик, мезем колавсь,
Яла артовлик, мезем олась,
Яла кандовлик сталмом кисэнь
Ды матравтовлить седейризксэнь...
«Авай» валонть питнезэ - сырне.
Ават эри - тонгак эйкакшат.
Пандо экшс малазонзо кирнят.
Тонсь уш ават - аватень капшат.
Эрьва чистэ пульзяма тенек
Ды аванок кисэ ознома.
Авать марто тонь чинек-венек
Ули Пазнэнь пшкадиця, ломань.