Ашо килей

Ашо килей, мекс тон пек авардят?
Чаво паксяс кадовить ськамот.
Тон од тейтерень кондямо, вадрят,
Вармась токши мазый черьпулот.

Мезень кисэ ризнат, ёвтакая,
Мекс тарадот токавтнят модас?
Сэпей арсематнень потстот каить,
Седе шожда карми теть, содак.

Арсян, тон кортыксэлить сынст марто,
Ёвтыксэлик эсеть тошначить.
Иля ризнэ, лопат илить правто,
Валске марто одс ваксозот сыть.

2020-це ие