Арсемат

Зэрни пиземе ульцясо,
Мон троллейбуссо ардан.
Мень-бути арсема прясон –
Сонзэ чоп мон чаравтан.
Арсян: ков ардыть ломантне,
Мон эно инжекс, а сынь?
Кодат тевть яла якавтнить?
Мезть чиньчоп почаксыть кинть?
Ардыть ков, сынськак а содыть,
Яла мучкить – пе арась.
Мень арсема прясост кодыть?
Икелень кевкстема стясь.
Ошось бизны промонь пизэкс,
Ломанть – ков а нерьгсак прят.
Мон вечкан велесэ кизэ:
Чить – ве ойме а неят.
Весе нежедить пиресэ,
Тень чарькодьса — весень тевть,
Весе важодить, а тесэ
Ансяк чиить, чамаст — кевть.
Истят мельть тень сакшность сестэ,
Зярдо ошов ансяк сынь,
Седе курок туемс тестэ
Мелем ульнесь… Тонадынь!